因為我未能夠做勞動野，平時係我同鍾生幫亞don沖涼，今次要帶亞don出去沖喇！

鍾生渣車去接亞don去沖涼，起初我都有d擔心架，平時係我抱住亞don坐乘客位，佢都驚驚青青咁，坐一陣就流口水兼且嘔到飛起，今次我唔可以陪佢地去，而鍾生又要渣車，亞don咁點呢？原來鍾生放左亞don去車頭座位，又冇用dog seat，咁亞don咪走黎走去8掛？

點知鍾生話佢鬼咁乖，坐定定唔郁，只係好奇周圍望，仲冇流口水tim呀，唔知係咪要比佢好清楚咁望到前面，佢先唔暈車浪呢？！